मस्को क्षेत्रमा युक्रेनी ड्रोन आक्रमण, एक जनाको मृत्यु

रुसको मस्को क्षेत्रमा आइतबार बिहान युक्रेनी ड्रोनले गरेको आक्रमणमा कम्तीमा एक जनाको मृत्यु भएको छ। मस्को क्षेत्रका गभर्नरका अनुसार यो राजधानी क्षेत्रलाई लक्षित गरी भएका सबैभन्दा ठूलो ड्रोन आक्रमणमध्ये एक हो।

मस्को क्षेत्रका गभर्नर आन्द्रे भोरोब्योभले टेलिग्राममार्फत दिएको जानकारीअनुसार पोडोल्स्कमा भएको आक्रमणमा ८३ वर्षीय एक वृद्धको मृत्यु भएको छ भने केही अन्य व्यक्ति घाइते भएका छन्। उनका अनुसार रुसको सबैभन्दा ठूलो अनलाइन खुद्रा विक्रेता वाइल्डबेरीज (Wildberries) को गोदाममा समेत ड्रोन प्रहार भएको थियो।