वाणिज्य बैंकहरूको नाफा ३२ प्रतिशतले बढ्यो, प्रभु बैंक घाटामा

काठमाडौं– नेपालका वाणिज्य बैंकहरूले गत आर्थिक वर्ष २०८२/८३ मा खुद नाफामा उल्लेख्य सुधार गरेका छन् । सञ्चालनमा रहेका बैंकहरूको कुल खुद नाफा अघिल्लो आर्थिक वर्षको तुलनामा ३२.२७ प्रतिशतले बढेर ६ अर्ब ९८ करोड ६६ लाख रुपैयाँ पुगेको छ । अघिल्लो आर्थिक वर्ष २०८१/८२ मा वाणिज्य बैंकहरूको कुल खुद नाफा ५ अर्ब २८ करोड १७ लाख रुपैयाँ रहेको थियो ।

गत आर्थिक वर्षमा सबैभन्दा बढी खुद नाफा कमाउने बैंक नबिल रहेको छ । नबिलले ७ अर्ब ९० करोड ५७ लाख रुपैयाँ नाफा कमाएको छ । यो अघिल्लो वर्षको तुलनामा ३३.४९ प्रतिशत बढी हो । ग्लोबल आइएमई बैंकले ६ अर्ब २२ करोड ७१ लाख रुपैयाँ नाफा कमाएको छ ।