बैतडी पुगेका पूर्वाधारमन्त्री बिरामी परे, हेलिकोप्टरमा काठमाडौं ल्याउने तयारी

काठमाडौं । सुदुरपश्चिम भ्रमणमा रहेका भौतिक पूर्वाधारमन्त्री सुनील लम्साल बिरामी परेका छन् । उनलाई आज बिहानदेखि ज्वरोले सताएको हो ।

बैतडीको गोठालापनीमा पुगेका बेला मन्त्री लम्साल अचानक अस्वस्थ बनेका हुन् । बिहानबाट हनहनी ज्वरो आएपछि जिल्ला अस्पतालका चिकित्सकलाई बोलाइएको थियो । चिकित्सकले भाइरल ज्वरो भनेका छन् ।