प्रेमसम्बन्धको चर्चा चलेको केही महिनामै छुट्टिए टेट म्याक्रे र ज्याक ह्युज

अमेरिकी पप गायिका टेट म्याक्रे र न्यु जर्सी डेभिल्सका हकी खेलाडी ज्याक ह्युजको प्रेमसम्बन्ध टुंगिएको खबरले अहिले मनोरञ्जन जगतमा चर्चा पाएको छ। करिब आठदेखि नौ महिनादेखि डेट गरिरहेको बताइएका उनीहरूले आफ्नो सम्बन्धलाई भने औपचारिक रूपमा सार्वजनिक गरेका थिएनन्।

टेट र ज्याकबीचको सम्बन्धको चर्चा सन् २०२५ को अन्त्यतिर सुरु भएको थियो। उनीहरूलाई न्युयोर्कमा सँगै देखिएपछि प्रेमसम्बन्धको हल्ला फैलिएको थियो। त्यसपछि टेट ज्याकको हकी खेल हेर्न पुगेको र उनीहरूलाई विभिन्न अवसरमा सँगै देखिएको रिपोर्ट सार्वजनिक भएका थिए।