लघुवित्त पीडितको आँसु पुछ्न चिसो सडकमै पुगे ऋषि धमला: राज्यका उच्च अधिकारीहरूलाई तत्काल कदम चाल्न गराए ध्यानाकर्षण !

ललितपुर । स्वतन्त्र नागरिक अभियानका अध्यक्ष ऋषि धमलाले देशका कुना-काप्चाबाट न्यायको याचना गर्दै काठमाडौँ आइपुगेका गरिब, दुःखी र उत्पीडित लघुवित्त तथा सहकारी पीडितहरूको समस्या समाधान गर्न पहलकदमी लिएका छन्।

ललितपुरको पुल्चोकस्थित राष्ट्रिय मानवअधिकार आयोगको प्राङ्गणमा विगत तीन दिनदेखि चिसो र सास्ती सहँदै धर्नामा बसेका तराई-मधेशका नि:सहाय नागरिकहरूको उद्धारका लागि अध्यक्ष धमला आफैं अग्रपंक्तिमा खटिएका हुन् ।