दुर्गमका बिरामी डोलीमा, मन्त्रीलाई फूलमाला : धनगढीमाई–१४ का नागरिकको पीडा कहिले देखिन्छ ?

लहान । स्वास्थ्य तथा खाद्य स्वच्छता मन्त्री निशा मेहता धनगढीमाईमा रहेको महेन्द्र गेनाई अस्पताल र लहानस्थित रामकुमार–शारडा उमाप्रसाद मुरारका प्रादेशिक अस्पतालको ट्रमा युनिट अवलोकन गर्न लहान आइपुग्दा भव्य स्वागत भयो ।

राष्ट्रिय स्वतन्त्र पार्टी (रास्वपा) का नेता–कार्यकर्ता तथा अस्पताल परिवारले फूलमाला र खादा लगाएर मन्त्रीको स्वागत गरे । तर मन्त्रीको स्वागतमा फूलमाला र खादा लगाइरहँदा त्यही धनगढीमाई नगरपालिका–१४ मा देखिएको अर्को दृश्यले भने सरकारको स्वास्थ्य सेवा र प्राथमिकतामाथि गम्भीर प्रश्न उठाएको छ ।