धनगढीमा होटल लगानीको लहर: पाँचतारे होटलसम्म निर्माण हुँदै

धनगढी । सुदूरपश्चिम प्रदेशको राजधानी धनगढीमा होटल तथा आतिथ्य क्षेत्रप्रति लगानीकर्ताको आकर्षण बढ्दै गएको छ । साना आवासगृहदेखि तारे होटल निर्माणसम्मको गतिविधिले यहाँको पर्यटन व्यवसायले नयाँ फड्को मार्ने संकेत दिएको छ ।

विगतमा एक पनि तारे होटल नभएको धनगढीमा अहिले धमाधम तारे होटल निर्माण भइरहेका छन् । नैनादेवी मन्दिर नजिक निर्माणाधीन होटल सनलाइटले आगामी दशैदेखि क्यासिनो बारसहितको चारतारे होटलका रूपमा सेवा सुरु गर्ने तयारी गरेको छ । ‘हामी प्रदेशकै मानक बढाउने होटल सेवा ल्याउँदैछौं,’ होटलका सञ्चालक कलम बमले भने ।