कलंकीबाट युवक अपहरण : अर्धनग्न बनाएर पाइपले कुट्दै गर्दा प्रहरी पुग्यो घटनास्थल

३१ साउन, काठमाडौं । कलंकीबाट एक युवकलाई ट्याक्सीमा राखेर अपरहण गरी बन्धक बनाइएको पाइएको छ । अपहरण गरी एउटा घरमा लगेर बन्धक बनाई कुटपिट गर्दै गरेको अवस्थामा प्रहरीले ती युवकलाईको उद्धार गरेको छ ।

यो प्रकरणमा काठमाडौं उपत्यका अपराध अनुन्सन्धान कार्यालयको टोलीले ७ जनालाई पक्राउ गरेको छ । पक्राउ पर्नेहरूमा रामेछाप लिखु तामाकोशी गाउँपालिका–३ का ३२ वर्षीय मनोज बुढाथोकी, मकवानपुर बागमती गाउँपालिका–५ का २० वर्षीय निशान रुम्बा तामाङ, सर्लाही लालबन्दी नगरपालिका–४ का २२ वर्षीय जेनिश चौधरी, ओखलढुंगा लिखु गाउँपालिका–५ का २४ वर्षीय निमेश कार्की, चितवन राप्ती नगरपालिका–२ का २४ वर्षीय अमित ओली, अर्घाखाँची मालारानी गाउँपालिका–३ का २२ वर्षीय प्रदीप पोखरेल र काभ्रे भुम्लु गाउँपालिका–८ का २३ वर्षीय देवकुमार श्रेष्ठ छन् ।