धार्मिक स्वतन्त्रताको नीतिबाट किन पछि हट्यो कांग्रेस इतर समूह ?

काठमाडौँ। नेपाली कांग्रेसको इतर (निवर्तमान सभापति शेरबहादुर देउवा र डा. शेखर कोइराला) समूहको राष्ट्रिय भेला ५ बुँदे निर्णय गर्दै शुक्रबार सम्पन्न भएको छ ।

राजधानीमा साउन २९ देखि ३१ गतेसम्म आयोजित भेलाको निर्णय नम्बर ३ मा धर्म सम्बन्धी विषय उल्लेख छ । निर्णयमा लेखिएको छ, ‘नेपालको सनातनदेखि चलिआएको धर्म संस्कृति हाम्रो राष्ट्रिय पहिचान पनि हो । नेपालमा रहिआएको धार्मिक सहिष्णुता, सामाजिक सदभाव, हरेक व्यक्ति र धार्मिक समुदायको आफ्नो धर्म मान्ने धार्मिक स्वतन्त्रतालाई सुनिश्चितदेखि चलिआएको हिन्दु, बौद्ध, किरात र प्राकृत धर्मको संरक्षण गर्ने दायित्वलाई दृष्टिगत गरी सनातन धर्मलाई राष्ट्रको पहिचान रूपमा राष्ट्रलाई अघि बढाउने प्रतिवद्धता गर्नेछ।’