सुदूरपश्चिममा भारी वर्षाको सम्भावना, नदी तटीय क्षेत्रमा माइकिङ, सुरक्षा संयन्त्र ‘हाइअलर्ट’

सुदूरपश्चिम प्रदेशका अधिकांश भू-भागमा मेघगर्जन र चट्याङसहित ‘धेरै भारी’ वर्षाको सम्भावना रहेको भन्दै जल तथा मौसम विज्ञान कार्यालय र सुरक्षा निकायले उच्च सतर्कता अपनाउन आग्रह गरेका छन्।

जल तथा मौसम विज्ञान कार्यालय अत्तरियाका अनुसार आज राति प्रदेशभर मौसम बदली रही पहाडी तथा तराई क्षेत्रका अधिकांश स्थानमा मध्यम वर्षा हुनेछ भने एक-दुई स्थानमा ‘धेरै भारी’ वर्षाको सम्भावना छ। हिमाली भेगका केही स्थानमा पनि मेघगर्जनसहित मध्यम वर्षाको आकलन गरिएको छ।