अमेरिकासँगको संयुक्त सैन्य अभ्यासअघि दक्षिण कोरियाले पठाएको शान्ति प्रस्तावलाई उत्तरको ‘बेवास्ता’

अमेरिका र दक्षिण कोरियाले संयुक्त सैन्य अभ्यास सुरु गर्नै लाग्दा कोरियाली प्रायद्वीपमा तनाव बढेको छ।

यसैबिच दक्षिण कोरियाले राखेको शान्ति वार्ताको प्रस्तावलाई उत्तर कोरियाले कुनै प्रतिक्रिया नदिई बेवास्ता गरेको छ। दक्षिण कोरियाका राष्ट्रपति ली जे म्युङले जापानबाट कोरियाको मुक्तिको ८१ औँ वार्षिकोत्सवका अवसरमा बोल्दै शनिबार सन् १९५३ को युद्धविराम सम्झौतालाई स्थायी शान्ति व्यवस्थामा बदल्न वार्ता गर्ने प्रस्ताव राखेका थिए। राष्ट्रपति लीले दुवै देश ‘शान्तिपूर्ण सहअस्तित्व र विकासका लागि वार्ताको टेबुलमा बस्नेछन्’ भन्दै आशा व्यक्त गरेका थिए।