वामपन्थी शक्तिका पहललाई एकीकृत गर्नुपर्छ : शक्ति बस्नेत

नेपाली कम्युनिस्ट पार्टीका नेता शक्ति बस्नेतले वामपन्थी शक्तिहरूले गर्दै आएका विभिन्न पहल र गतिविधिलाई एकीकृत गर्दै अघि बढ्नुपर्ने बताएका छन्।

आइतबार समाजवाद अध्ययन केन्द्र नेपालले आयोजना गरेको ‘वामपन्थी आन्दोलन अब के गर्ने ?’ विषयक राष्ट्रिय बहस कार्यक्रममा बोल्दै बस्नेतले राष्ट्रियता, राष्ट्रिय हित र लोकतन्त्रका पक्षमा वामपन्थी शक्तिहरूले गर्दै आएका प्रयासलाई एकताबद्ध गर्न सके मात्र त्यसले ठोस परिणाम दिन सक्ने बताएका हुन्।