विजयपुर खोलाले बगाएका दुई बालक अझै बेपत्ता, ८० मिटर गहिरो खोँचमा ‘रोप रेस्क्यु’ टोली परिचालन

पोखराको विजयपुर खोला तर्ने क्रममा शनिबार दिउँसो बगेर बेपत्ता भएका दुई बालकको अवस्था दोस्रो दिन पनि अज्ञात रहेको छ। सुरक्षा निकायले गोताखोरसहित ‘र्‍याप्लिङ क्लाइम्बिङ’ र ‘रोप रेस्क्यु’ विधि प्रयोग गरी खोजी तीव्र पारे पनि उनीहरूको पत्तो लाग्न सकेको छैन।

स्याङ्जा स्थायी घर भई हाल पोखरा–१४ छिनेडाँडा बस्ने १४ वर्षीय निक्सन गुरुङ र चाउथे बस्ने १५ वर्षीय ओमन राई शनिबार दिउँसो १:२० बजे खोला तर्ने क्रममा बगेका थिए।