दशकदेखि बन्द गोरखकाली रबर उद्योग पुनः सञ्चालनको तयारी

एक दशकदेखि पूर्ण रूपमा बन्द रहेको ऐतिहासिक गोरखकाली रबर उद्योगलाई पुनः सञ्चालनमा ल्याउन सरकारी स्तरबाट सम्भाव्यता अध्ययन सुरु भएको छ।

गोरखा क्षेत्र नं-२ का प्रतिनिधिसभा सदस्य कविन्द्र बुर्लाकोटीको नेतृत्वमा अर्थ, उद्योग र कानुन मन्त्रालयका प्रतिनिधि तथा विज्ञहरूको टोलीले शनिबार गोरखा नगरपालिका-१३ मझुवास्थित उद्योग परिसरको विश्लेषकीय अध्ययन तथा स्थलगत अनुगमन गरेको हो।