पहिराले अवरुद्ध काहुँखोला–सिक्लेस सडक खुल्यो

कास्की । लगातारको वर्षाका कारण पटकपटक पहिरो खसेर अवरुद्ध हुँदै आएको पोखराको काहुँखोला–सिक्लेस सडकखण्ड आइतबार साँझदेखि सञ्चालनमा आएको छ ।

सो सडकखण्डको मादी गाउँपालिका–१ मा पर्ने चिप्ली र खिलाङबीचमा दुई दिनअघि गएको पहिरोका कारण सडक अवरुद्ध भएको थियो । सडक अवरुद्ध हुँदा कास्कीको ग्रामीण पर्यटनको केन्द्र सिक्लेसको पोखरासँगको सिधा यातायात सम्पर्क विच्छेद भएको थियो ।