'संज्ञान' मा विमलको सम्झना

पाटन संयुक्त क्याम्पस नेपाली विभागले 'संज्ञान विमर्शको उन्नाइसौँ शृङ्खला' मा मैथिली तथा नेपाली भाषासाहित्य र कलासंस्कृतिका विशिष्ट धरोहर स्व. राजेन्द्र विमलको स्मृतिमा श्रद्धाञ्जली कार्यक्रम आयोजना गरेको छ।

विभागीय सदस्य डा. हेम भण्डारीको सभाध्यक्षतामा आयोजित यस कार्यक्रममा सहायक क्याम्पस प्रमुख डा. जीवनकुमार श्रेष्ठ विशेष अतिथिका रूपमा उपस्थित थिए। स्व. विमलको जीवनी, व्यक्तित्व र कृतित्वमाथि प्रकाश पार्दै विभागका सदस्य डा. चतुर्भुजलाल दास केवरतले नेपाली तथा मैथिली भाषा साहित्य र संस्कृतिका क्षेत्रमा रहेको विमलको अविस्मरणीय तथा अतुलनीय योगदानको समीक्षा गरे।