सुदूरपश्चिम प्रदेश: साढे ३ अर्ब नाघ्यो बेरुजु

सुदूर पश्चिम प्रदेशमा बर्सेनि बेरुजु रकम बढ्दै गएको छ। सुदूरपश्चिम प्रदेशका सरकारी कार्यालयमा बेरुजु रकम साढे ३ अर्ब नाघेको छ।

महालेखा परीक्षकको आठौं वार्षिक प्रतिवेदन अनुसार सुदूरपश्चिम प्रदेश सरकारका मन्त्रालय, कार्यालयलगायतका निकायमा अहिलेसम्म बेरुजु बढेर तीन अर्ब ५४ करोड पुगेको छ। आर्थिक वर्ष २०८१/८२ मा मात्र ६० करोड रुपैयाँ बेरुजु थपिएको छ। यो बेरुजु अघिल्ला वर्षको भन्दा बढी हो। महालेखा परीक्षकको कार्यालयले लेखापरीक्षण गरेर प्रत्येक वर्ष तयार पारिएको वार्षिक प्रतिवेदनमा औंल्याएको बेरुजु रकम न्यून मात्रामा फर्स्याेट हुने गरेको छ। बेरुजु रकम बर्सेनि घट्नुको साटो बढ्दै गएको पाइएको छ।