चुनावको वाचाअनुसार जनताले ल्याब मागे, गृहमन्त्री गुरुङले भने– ‘भोट फिर्ता लिनुहोस्’

काठमाडौं- गोरखाको शहीद लखन गाउँपालिका–९ का बासिन्दाले चुनावका बेला गरेको वाचा अनुसार स्थानीय तहमा ल्याब स्थापनाका लागि बजेट माग गरेका छन् । तर, गृहमन्त्री सुधन गुरुङले चार महिनामै 'कायापलट' गर्न नसकिने भन्दै असन्तुष्ट मतदातालाई ‘भोट फिर्ता’ लैजान भनेका छन् ।

गोरखा–१ बाट प्रतिनिधिसभा सदस्यमा निर्वाचित गुरुङले आइतबार शहीद लखन गाउँपालिका–९ का स्थानीयसँगको भेटघाटका क्रममा यस्तो बताएका हुन्। आइतबार बेलुका वडा नम्बर ९ का स्थानीयसँग भएको भेटमा वडाध्यक्ष रामकुमार श्रेष्ठ, राष्ट्रिय स्वतन्त्र पार्टी (रास्वपा) का वडा सचिव खोपेन्द्र लामिछानेलगायत सहभागी थिए ।