जसपा नेपालले फिर्ता लियो लुम्बिनी प्रदेश सरकारलाई दिएको समर्थन

जनता समाजवादी पार्टी, नेपालले लुम्बिनी प्रदेश सरकारलाई दिएको समर्थन फिर्ता लिएको छ।

जसपा नेपालका महासचिव डा. सुरेन्द्र कुमार झाले सोमबार लुम्बिनी प्रदेश सभा संसदीय दलका नेता सन्तोषकुमार पाण्डेयलाई पत्र पठाउँदै नेकपा (एमाले) का नेता एवं लुम्बिनी प्रदेशका मुख्यमन्त्री चेतनारायण आचार्य नेतृत्वको प्रदेश सरकारलाई दिएको समर्थन आजकै मितिदेखि फिर्ता लिएको जानकारी दिएका हुन्।