लुम्बिनीमा समर्थन फिर्ता लिन संसदीय दललाई जसपा नेपालका महासचिवको निर्देशन

१ भदौ, काठमाडौं । जनता समाजवादी पार्टी (जसपा) नेपालका महासचिव डा. सुरेन्द्रकुमार झाले लुम्बिनी प्रदेशका मुख्यमन्त्री चेतनारायण आचार्य नेतृत्वको सरकारलाई दिएको समर्थन फिर्ता लिन पार्टी संसदीय दललाई निर्देशन दिएका छन् ।

महासचिव झाले सोमबार लुम्बिनी प्रदेशसभा संसदीय दलका नेता सन्तोषकुमार पाण्डेयसहित प्रदेशसभा सदस्यहरूलाई पत्र पठाउँदै सरकारलाई दिएको समर्थन फिर्ता लिन निर्देशन दिएका हुन् ।