बेनीमा एक करोड तीन लाख लागतमा आँखा उपचार केन्द्रको भवन निर्माण सुरु

काठमाडौं– म्याग्दीको सदरमुकाम बेनीमा दाताको सहयोगमा आँखा उपचार केन्द्रको भवन निर्माण सुरु गरिएको छ। नेपाल नेत्रज्योति संघ म्याग्दीले बेनी नगरपालिका–८ कालीपुलमा आँखा उपचार केन्द्रको आफ्नै भवन निर्माण थालेको हो ।

संघका अनुसार एक करोड तीन लाख रुपैयाँ लागतमा तीन तले भवन निर्माण गर्न लागिएको छ । भवन निर्माणका लागि संघका पदाधिकारी तथा सदस्यबाट जुटाइएको १० लाख रुपैयाँबाट जग खन्ने तथा पर्खाल निर्माणको काम सुरु गरिएको संघका अध्यक्ष अमर बानियाँले जानकारी दिनुभयो ।