ह्वावेको नयाँ ‘वाच फिट ५ प्रो’ नेपाली बजारमा, खरिद गर्नेले  'फ्रिबड्स एसई-२' निःशुल्क पाउने

काठमाडौं । ह्वावेले आफ्नो नयाँ स्मार्टवाच ‘ह्वावे वाच फिट ५ प्रो’ आधिकारिक रूपमा नेपाली बजारमा सार्वजनिक गरेको छ । नेपालमा ह्वावेको आधिकारिक वितरक कल मोबिलिटी प्रालिले यो स्मार्टवाच सार्वजनिक गरेको हो । प्रिमियम डिजाइन, स्वास्थ्य निगरानी, फिटनेस तथा स्मार्ट फिचरसहितको यो स्मार्टवाच सार्वजनिक भएको हो ।

वाच फिट ५ प्रोमा १.९२ इन्चको डिस्प्ले दिइएको छ । डिस्प्लेको बेजल १.८ एमएम मात्रै रहेको छ भने यसको अधिकतम ब्राइटनेस ३,००० निटसम्म पुग्छ । यसले प्रत्यक्ष घाममा समेत स्क्रिन हेर्न सहज हुने कम्पनीको दाबी छ ।