लुम्बिनीका मुख्यमन्त्री संकटमा : जसपा नेपालले फिर्ता लियो समर्थन, विपक्षमा मतदान गर्न ह्विप

दाङ : ​लुम्बिनी प्रदेशका मुख्यमन्त्री चेतनारायण आचार्य नेतृत्वको सरकार संकटमा परेको छ। जनता समाजवादी पार्टी (जसपा), नेपालले प्रदेश सरकारलाई दिएको समर्थन आधिकारिक रूपमा फिर्ता लिएपछि मुख्यमन्त्री आचार्य प्रष्टरूपमा अल्पमतमा परेका हुन्।

​जसपा नेपालका महासचिव डा. सुरेन्द्र कुमार झाद्वारा हस्ताक्षरित पत्र अनुसार, नेकपा (एमाले) का नेता तथा मुख्यमन्त्री आचार्यको नेतृत्वमा रहेको लुम्बिनी प्रदेश सरकारलाई दिएको समर्थन आजैका मितिबाट फिर्ता लिइएको छ।