कान्तिपुरमा समर लभ

सुविन भट्टराईको सर्वाधिक चर्चित उपन्यासमा आधारित नाटक समर लभले कान्तिपुर थिएटरमा उत्साहजनक सुरुवात गरेको छ। सम्राट भुजेलको निर्देशनमा तयार पारिएको नाटक गत शुक्रवारदेखि कान्तिपुर थिएटरमा मञ्चन भइरहेको छ।

मञ्चनको सुरुवातमै नाटकले दर्शकको उल्लेख्य साथ पाएको छ। पहिलो दुई दिनका चारै शो मञ्चन हुनुभन्दा तीन दिनअघि नै हाउसफुल भएका थिए। यस्तै, आगामी दिनका शोका लागि पनि अग्रिम बुकिङ उत्साहजनक देखिएको छ।