९९.९ प्रतिशत कांग्रेसजन एकताको पक्षमा छन् : नैनसिंह महर

काठमाडौं – नेपाली कांग्रेसका नेता नैनसिंह महरले कांग्रेसका ९९.९ प्रतिशत नेता–कार्यकर्ता गुट र विभाजनको पक्षमा नभई एकताबद्ध कांग्रेसको पक्षमा रहेको बताएका छन्।

सामाजिक सञ्जाल फेसबुकमार्फत धारणा सार्वजनिक गर्दै महरले कांग्रेसलाई ‘संस्थापन वा विस्थापन’ तथा ‘इतर वा भितर’ जस्ता गुटगत घेराभन्दा माथि उठाएर हेर्नुपर्ने बताएका हुन्।