पहिलो महिनामै सरकारी राजस्व सङ्कलनमा १० प्रतिशत वृद्धि

काठमाडौं– चालु आर्थिक वर्ष २०८३/८४ को पहिलो महिनामै सरकारी राजस्व सङ्कलनमा उल्लेख्य वृद्धि भएको छ। महालेखा नियन्त्रक कार्यालयका अनुसार गत साउनमा सरकारले ९३ अर्ब ४३ करोड ६३ लाख रुपैयाँ राजस्व तथा अन्य आम्दानी सङ्कलन गरेको छ । यो रकम गत आर्थिक वर्षको पहिलो महिनाको कुल प्राप्तिको तुलनामा करिब १० प्रतिशत अर्थात् ८ अर्ब २४ करोड रुपैयाँ बढी हो।

महालेखा नियन्त्रक कार्यालयका अनुसार साउनमा कर राजस्वबाट ८५ अर्ब १९ करोड ६ लाख रुपैयाँ सङ्कलन भएको छ। गैरकर राजस्वतर्फ ७ अर्ब ३ करोड ४७ लाख रुपैयाँ प्राप्त भएको छ । त्यस्तै, सरकारले पहिलो महिनामा २४ करोड ३ लाख रुपैयाँ वैदेशिक अनुदान सहायता प्राप्त गरेको छ ।