विद्युत् अब उज्यालोका लागि मात्र होइन, आर्थिक समृद्धिको मेरुदण्ड : मन्त्री श्रेष्ठ

काठमाडौँ । ऊर्जा, जलस्रोत तथा सिँचाइमन्त्री विराजभक्त श्रेष्ठले नेपाल विद्युत् प्राधिकरणलाई परम्परागत सेवा प्रदायक संस्थामा मात्र सीमित नराखी आधुनिक, व्यावसायिक र वित्तीय रूपमा सुदृढ संस्थाका रूपमा विकास गर्नुपर्ने बताएका छन्।

प्राधिकरणको ४१औँ वार्षिक साधारणसभालाई सम्बोधन गर्दै मन्त्री श्रेष्ठले ऊर्जा क्षेत्र अब देशको आर्थिक रूपान्तरणको प्रमुख खम्बा भएको उल्लेख गरे । मन्त्री श्रेष्ठले प्राधिकरणले हासिल गरेका महत्त्वपूर्ण उपलब्धिहरू प्रस्तुत गरे । उनका अनुसार हाल देशको ९७.६ प्रतिशत जनतामा राष्ट्रिय प्रसारण प्रणालीको पहुँच पुगेको छ भने करिब ५९ लाख २० हजार ग्राहक प्राधिकरणको सेवामा जोडिएका छन् ।