विपद्का कारण रोल्पामा दुई सातामै २२ जनाको मृत्यु, राहत र उद्धार तीव्र पार्न वर्षमान पुनको माग

काठमाडौं : नेपाली कम्युनिष्ट पार्टीका सांसद वर्षमान पुनले मनसुन सुरु भएसँगै रोल्पामा बाढी, पहिरो र चट्याङका कारण ठूलो जनधनको क्षति भएको भन्दै सरकारको गम्भीर ध्यानाकर्षण गराएका छन्।

सोमबार बसेको प्रतिनिधिसभा बैठकमा बोल्दै उनले पछिल्लो दुई साताभित्रै जिल्लाका विभिन्न स्थानमा विपद्मा परी २२ जनाको मृत्यु भएको जानकारी दिए।