गजेन्द्रनारायण सिंह अस्पताल विस्तार गरिने

राजविराज - स्वास्थ्य तथा खाद्य स्वच्छतामन्त्री निशा मेहताले राजविराजस्थित गजेन्द्रनारायण सिंह अस्पताललाई तत्काल १०० शय्यामा विस्तार गरी विशेषज्ञ चिकित्सकसहित आवश्यक जनशक्ति व्यवस्थापन गर्ने प्रक्रिया अघि बढाइएको बताएकी छन्।

मन्त्री मेहताका अनुसार अस्पताललाई तत्काल १०० शय्यामा विस्तार गरिए पनि रामराजाप्रसाद सिंह स्वास्थ्य विज्ञान प्रतिष्ठानको काम अघि बढेपछि भविष्यमा अस्पताललाई ३०० शय्यासम्म विस्तार गर्नुपर्ने आवश्यकता छ। प्रतिष्ठान र अस्पतालको विकासलाई एकीकृत योजनाका साथ अघि बढाउनुपर्नेमा उनले जोड दिइन्।