६५ मिलियन पाउण्डमा रोड्रि बार्सिलोना जाने पक्का

काठमाडौं : बार्सिलोना म्यानचेस्टर सिटीका कप्तान तथा मिडफिल्डर रोड्रिलाई ६५ मिलियन पाउण्डमा अनुबन्ध गर्न सहमत भएको छ । ३० वर्षीय स्पेनी खेलाडीले स्पेनिस च्याम्पियन बार्सिलोनासँग चार वर्षको सम्झौता गर्ने तयारी गरेका छन् । यो स्थानान्तरण आगामी केही दिनभित्रै पूर्ण रूपमा सम्पन्न हुने अपेक्षा गरिएको छ ।

सन् २०१९ मा एथ्लेटिको मड्रिडबाट तत्कालीन क्लब कीर्तिमानी मूल्य ६ करोड २८ लाख पाउण्डमा सिटी भित्रिएका रोड्रिले त्यहाँ सात सुखद सिजनहरू बिताए । यस अवधिमा उनले म्यानचेस्टर सिटीका लागि २९८ खेल खेल्दै १२ वटा ठूला उपाधिहरू जित्न सफल भए । उनको महत्वपूर्ण योगदानमा सिटीले चार प्रिमियर लिग, दुई एफए कप, तीन इएफएल कप र सन् २०२२-२३ को च्याम्पियन्स लिग उपाधि जितेको छ । उनी सन् २०२४ को प्रतिष्ठित बालोन डी'ओर विजेता समेत हुन् ।