पूर्वाधार विकास मन्त्री लम्सालको पिसाबमा संक्रमण

१ भदौ, काठमाडौं । ज्वरो आएका कारण बिरामी परेका पूर्वाधार विकास मन्त्री सुनील लम्साल अहिले आफ्नै निवासमा आराम गरिरहेका छन् । उनको सचिवालयले दिएको जानकारी अनुसार स्वास्थ्य परीक्षणका क्रममा उनको पिसाबमा संक्रमण देखिएको छ ।

सुदूरपश्चिमको भ्रमणमा रहेका लम्साललाई बैतडीमा पुगेका बेला आइतबार उच्च ज्वरो देखिएको थियो । उनलाई सेनाको हेलिकप्टरबाट आइतबार नै काठमाडौं ल्याइएको थियो । गएराति नै उनको छाउनी अस्पतालमा स्वास्थ्य परीक्षण गरिएको लम्सालको सचिवालयले जानकारी दिएको छ ।