सांसदहरूको अडानसामु झुके सभामुख: सरकारलाई ३ दिनभित्र जवाफ दिन रुलिङ

सदनमा उठाएका जनसरोकारका विषयमा रुलिङ नभएसम्म उभिएरै विरोध गर्ने सांसदहरूको अडानपछि सभामुखले तीन दिनभित्र संसदमा जवाफ दिन सरकारलाई निर्देशन दिएका छन्।

सोमबारको प्रतिनिधिसभा बैठकमा सत्तारुढ राष्ट्रिय स्वतन्त्र पार्टी (रास्वपा) की सांसद आशिका तामाङ र प्रतिपक्षी नेपाल कम्युनिष्ट पार्टी (नेकपा) का सांसद गोपाल शर्माले आफूहरूले उठाएका विषयमा सभामुखबाट रुलिङको माग गर्दै उभिएर विरोध जनाएका थिए। त्यसपछि सभामुखले भने, ‘...तीन दिनभित्र सरकारलाई यसको जवाफ दिन निर्देश गर्छु।’