डोली बोकेर बडिमालिकातर्फ जुम्लाको सरकारी टोली

जुम्लाको सदरमुकाम खलंगामा सोमबार बिहानैदेखि चहलपहल थियो। जिल्ला प्रशासन कार्यालयअगाडिको दरबारमालिका मन्दिरमा पूजाआजा चलिरहेको थियो।

नेपाली सेनाको सलामी, प्रहरी र सशस्त्र प्रहरीको बाजागाजा तथा बिगुलको धुनसँगै धार्मिक वातावरण बन्यो। केही बेरपछि अक्षता, ध्वजा र पूजाका सामग्रीसहितको डोली बोकेर सरकारी टोली बाजुरातर्फ लाग्यो। यो बडिमालिका दर्शनको मात्रै यात्रा थिएन।