प्रदीप पौडेलले भने– शेरबहादुर दाइ ‘जर्सी’ लगाएर फर्किनुहुन्छ भन्ने अपेक्षा थिएन

काठमाडौं । नेपाली कांग्रेसका महामन्त्री प्रदीप पौडेलले पूर्वसभापति शेरबहादुर देउवा कुनै समूहको ‘जर्सी’ लगाएर पार्टीमा फर्कने अपेक्षा आफूहरूले यसअघि नगरेको बताएका छन् । सोमबार (भदौ १) कांग्रेस केन्द्रीय कार्यालय सानेपामा आयोजित पत्रकार सम्मेलनमा उनले देउवा ‘रेफ्री’को भूमिकामा फर्कने अपेक्षा गरिए पनि यस्तो नभएको बताएका हुन् ।

“शेरबहादुर दाइ रेफ्री भएर फर्कनुहुन्छ भन्ने अपेक्षा गरेका थियौँ । कुनै टिमको जर्सी लगाएर फर्कनुहुन्छ भन्ने हामीलाई लागेको थिएन,” उनले भने ।