पोखरा महानगरको बेथिति : आएन विकास कार्यक्रम, खर्च केन्द्र ठप्प

१ भदौ, पोखरा । पोखरा महानगरपालिका बेतिथि, भद्रगोल र अनिर्णयको बन्दी बन्न पुगेको छ । विदेश भ्रमण, उद्घाटन, शिलान्यास, विदेशी प्रतिनिधिहरूसँगको भेटघाटमा समय बिताउँदै आएका मेयर धनराज आचार्यकै कारण अहिलेसम्म वार्षिक विकास कार्यक्रम नै रोकिएको छ ।

सम्पन्न भइसकेका योजनाको भुक्तानीसमेत दिन नसकेको पोखरा महानगरले अहिलेसम्म वार्षिक विकास कार्यक्रम नै सार्वजनिक गर्न नसकेको हो ।