संसद्‌मा साम्पाङ र रानाबिच नोकझोक : मेरो नामै लिएर के भन्न खोज्नुभएको ?

मानव बेचबिखन तथा ओसारपसार (नियन्त्रण) पहिलो संशोधन विधेयक, २०८३ माथिको छलफलका क्रममा राष्ट्रिय स्वतन्त्र पार्टी (रास्वपा) की सांसद इन्दिरा राना मगर र श्रम संस्कृति पार्टीका अध्यक्ष एवं सांसद हर्क साम्पाङबिच नोकझोक भएको छ।

छलफलमा भाग लिँदै सांसद रानाले विधेयकमा प्रयोग भएका 'वेश्यावृत्ति', 'अगम्यागमन' जस्ता शब्दप्रति आपत्ति जनाइन्। उनले भनिन्, 'यो विधेयक राम्रो छ, तर यसमा प्रयोग भएका कतिपय शब्दहरू अहिलेको समयमा सान्दर्भिक छैनन्। मन्त्रीलाई म यो शब्द हटाउन अनुरोध गर्छु।'