कोशी मन्त्रिपरिषदमा प्रचण्डका ज्वाइँको ह्याट्रिक

काठमाडौं । नेकपा संयोजक पुष्पकमल दाहाल (प्रचण्ड) का ज्वाइँ जीवन आचार्यले कोशी मन्त्रिपरिषद्मा ह्याट्रिक गरेका छन् । प्रचण्डपुत्री गंगा दाहालकी श्रीमान् आचार्यलाई भौतिक पूर्वाधार विकास मन्त्रालयको तेस्रो पटक जिम्मेवारी दिइएको छ । उनलाई मर्यादाक्रमको तेस्रो नम्बरमा राखिएको छ । मोरङ–६(क) बाट एमाले उम्मेदवार रिता न्यौपानेलाई १८७८ मतान्तरले पराजित गरी आचार्य निर्वाचित भएका हुन् ।

यसअघि हिक्मतकुमार कार्कीको नेतृत्वमा २०७९ पुस २९ गते उनी पर्यटन, वन तथा वातावरणमन्त्रीमा नियुक्त भएका थिए । वाम गठबन्धन तोडिएर पाँच महिनापछि कांग्रेसका उद्धव थापाको नेतृत्वमा अर्को सरकार बन्यो । आचार्य पुनः थापा नेतृत्वको सरकारमा २०८० असार २४ गते आर्थिक मामिला तथा योजनामन्त्रीमा नियुक्त भए । अहिले भौतिक पूर्वाधार विकास मन्त्रालयको तेस्रो पटक जिम्मेवारी दिइएको छ