पत्रकार किशोर श्रेष्ठ रिहा, कम्प्युटर तथा सञ्चार उपकरण तत्काल फिर्ता गर्न सर्वोच्चको आदेश

काठमाडौँ—विद्युतीय कारोबार ऐन र वैयक्तिक गोपनीयतासम्बन्धी कसुरको आरोपमा पक्राउ परेका जनआस्था साप्ताहिक एवं जनआस्था अनलाइनका सम्पादक किशोर श्रेष्ठलाई सर्वोच्च अदालतको आदेशपछि रिहा गरिएको छ।

श्रेष्ठकी पत्नी सरस्वती श्रेष्ठले दायर गरेको बन्दीप्रत्यक्षीकरण रिटमाथि सुनुवाइ गर्दै सर्वोच्च अदालतका न्यायाधीशद्वय डा. नहकुल सुवेदी र बालकृष्ण ढकालको संयुक्त इजलासले उनलाई थुनामुक्त गर्न परमादेश जारी गरेको हो।