देउवाको नेमप्लेटमा सभापति लेखिएको विषयमा गगले भने– ‘दाई वरिपरिका मान्छेले तपाईंलाई ढाँटे, फेरि पनि डुबाउँछन्’

काठमाडौं– नेपाली कांग्रेसका सभापति गगनकुमार थापाले पूर्वसभापति शेरबहादुर देउवालाई पार्टीको आगामी १५औँ महाधिवेशनमा सम्मानपूर्वक अतिथिका रूपमा सहभागी गराएर उनका कुरा सुन्न आफूहरू इच्छुक रहेको बताएका छन् ।

कांग्रेस केन्द्रीय कार्यसमिति बैठकको समापनमा बोल्दै थापाले देउवाप्रति आफ्नो उच्च सम्मान रहेको उल्लेख गर्दै विगतमा पार्टीभित्र भएका घटनाक्रमबारे आफूहरूबीच असहमति भए पनि त्यसले देउवाको राजनीतिक योगदानलाई कम नगर्ने बताए ।