किशोर श्रेष्ठको गुनासो- मलाई हिरासतमा लागुऔषध कारोबारीसँग सुताइयो

सर्वोच्च अदालतको आदेशपछि हिरासतमुक्त भएका जनआस्थाका सम्पादक किशोर श्रेष्ठले प्रहरी हिरासतमा आफूमाथि मानसिक दबाब र दुर्व्यवहार गरिएको गुनासो गरेका छन्।

पाँच दिनको हिरासत बसाइका क्रममा आफूलाई लागुऔषध कारोबारीहरूसँग एउटै कोठामा राखेर सुताइएको र वकिल तथा परिवारसँग कानुनी परामर्शसमेत गर्न नदिइएको उनले खुलाएका हुन्।