सर्वोच्चको आदेशपछि रिहा भए जनआस्थाका अध्यक्ष किशोर श्रेष्ठ

काठमाडौं : वैयक्तिक गोपनीयता हननको अभियोगमा पक्राउ परेका जनआस्थाका अध्यक्ष किशोर श्रेष्ठ सोमबार राति रिहा भएका छन्। सर्वोच्च अदालतले उनलाई हिरासतमुक्त गर्न आदेश दिएपछि उनी रिहा भएका हुन्।

रिहा भएपछि उनले भने, 'जबसम्म जीवित छु। सत्य लेख्न डराउँदिनँ।' आफ्नो पक्राउलाई श्रेष्ठले पेशागत धर्म निर्वाह गर्ने क्रममा राज्यले लिएको 'बदलाको कारबाही' भनेका छन्। जनआस्थाले लेखेका समाचारहरू गलत भएमा खण्डन गर्नसमेत उनले चुनौती दिए।