ललितपुरमा घरबाट गरगहना चोर्ने व्यक्ति पक्राउ

ललितपुरको महालक्ष्मी नगरपालिका-६ सानागाउँस्थित एक घरबाट सुन, चाँदी, तामा तथा पित्तलका गरगहना र विभिन्न सामग्री चोरी गरी फरार रहेका एक जनालाई प्रहरीले पक्राउ गरेको छ।

प्रहरी वृत्त सातदोबाटोबाट खटिएको टोलीले विशेष सूचनाका आधारमा चोरीमा संलग्न ३१ वर्षीय अनिल खड्गीलाई पक्राउ गरेको हो। काठमाडौंको लैनचौर घर भई हाल ललितपुरको हरिसिद्धी बस्दै आएका खड्गीलाई चोरीका विभिन्न धनमालसहित पक्राउ गरिएको प्रहरीले बताएको छ।