इनरुवाको ग्रीनसिटीमा १२ हजार बिरुवा रोपिँदै

इनरुवा (सुनसरी) । सुनसरीको इनरुवा–७ स्थित ग्रीनसिटी परिसरमा विभिन्न प्रजातिका करिब १२ हजार बिरुवा रोपिने भएको छ। रोटरी क्लब अफ पाटन वेस्टको सन् २०२६–०२७ को वातावरण संरक्षण अभियानअन्तर्गत वृक्षरोपण तथा वृक्ष संरक्षण कार्यक्रम सञ्चालन गर्न लागिएको हो।

अभियानअन्तर्गतको औपचारिक कार्यक्रम अगस्ट २२ गते बिहान १० बजे ग्रीनसिटी, इनरुवा–७ मा आयोजना हुने भएको छ। रोटरी क्लब अफ पाटन वेस्टको आयोजनामा हुने कार्यक्रममा क्लबका डिस्ट्रिक्ट गभर्नर रो. विष्णुबहादुर कार्की प्रमुख अतिथिका रूपमा सहभागी हुने जनाइएको छ।