सामान्य समस्या समाधान गर्न पनि स्थानीय तह असफल : सांसद पन्त

काठमाडौँ- राष्ट्रिय स्वतन्त्र पार्टी (रास्वपा) का सांसद बुद्धिप्रसाद पन्तले स्थानीय तहको बेवास्ता र स्रोत अभावका कारण सर्वसाधारणले सामान्य समस्यामा समेत ठूलो सास्ती खेप्नुपरेको बताएका छन्।

मंगलबार प्रतिनिधिसभा बैठकमा बोल्दै उनले स्थानीय सरकारले न्यून बजेट र सीमित जनशक्तिबाट तत्काल समाधान गर्न सक्ने समस्यासमेत लामो समयदेखि अलपत्र रहेको बताए।