गृहमन्त्री र मिटरब्याज पीडितबिच दोस्रो चरणको वार्ता सम्पन्न, माग पूरा नभए काठमाडौँतर्फको यात्रा अघि बढाउने चेतावनी

काठमाडौँ । जनकपुरधामबाट सुरु भएको मिटरब्याज विरुद्ध (पैदल) न्याय मार्चको छैटौँ दिन बाराको निजगढमा नेपाल सरकारका गृहमन्त्री सुधन गुरुङ र आन्दोलनरत पक्षबिच दोस्रो चरणको वार्ता पनि सम्पन्न भएको छ ।

मिटरब्याज तथा ठगी विरुद्ध किसान मजदुर सङ्घर्ष समितिका प्रवक्ता नवीन निर्गका अनुसार दोस्रो चरणको वार्ताका क्रममा आन्दोलनकारीहरूले आफ्ना अडानहरू स्पष्ट रूपमा गृहमन्त्रीसमक्ष राखेका छन् ।