‘मधेशका चिन्तक’ को नैतिक पतन- ७ देखि १० वर्षसम्म जेल सजाय हुन सक्ने

काठमाडौं । राजेश झा उर्फ राजेश अहिराज एक समय मधेशको बौद्धिक आवाज मानिन्थे । रौतहटमा जन्मेर सर्लाही सरेका उनले नेपाल ल क्याम्पसबाट एलएलबी र त्रिभुवन विश्वविद्यालयबाट ‘मधेश आन्दोलन र मधेशवाद’ मा पीएचडी गरे ।

मधेशवाणी साप्ताहिकको सम्पादक तथा प्रकाशकको रूपमा उनी मधेशका सवाल- पहिचान, भाषा, संघीयता र तराईको विकास- लाई लेखेर चर्चित भए । पहिले उनी चर्का मधेसवादी थिए । अलि पछि राष्ट्रवादी कुरा गरेर लोकप्रियता आर्जन गरे । अहिराज मधेसवादी भनिने नेताहरूको आलोचना गर्थे र ‘लोकतन्त्रको नाममा लुटतन्त्र’ भन्दै सत्ताको कटु आलोचना गर्थे ।