‘अन्यायमा परेँ’ भन्दै रवि लामिछानेको निवासअघि कर्णालीका हीरालाल वादीको पर्खाइ

काठमाडौं । रास्वपाको केन्द्रीय सदस्य निर्वाचनमा पराजित भएका हीरालाल वादीले आफूमाथि अन्याय गरिएको भन्दै सभापति रवि लामिछानेलाई गुहारेका छन् । निर्वाचनको मत परिणाममा चलखेल गरेर आफूलाई केन्द्रीय सदस्य बन्न नदिइएको उनको दाबी छ ।

लिखित निवेदन बोकेर आज बिहानै बूढानीलकन्ठस्थित लामिछानेको निवास पुगेका वादीले उनलाई भेट्न भने पाएका छैनन् । बरु निवासमा खटिएका सुरक्षाकर्मीले आफूलाई बाहिर निकालेको उनले बताए । उनी अहिले निवासबाहिर सडकमै उभिएका छन् ।