कर्मचारी नपठाएर मौलापुरको बजेट ‘फ्रिज’ गराउन खोजिएको मेयर साहको आरोप

रौतहट । रौतहटको मौलापुर नगरपालिकाकी मेयर रिना साहले प्रमुख प्रशासकीय अधिकृत नपठाएर संघीय सरकारले नगरपालिकाको बजेट कार्यान्वयन प्रभावित पार्न खोजेको आरोप लगाएकी छन्।

शुक्रबार सञ्चारकर्मीसँग कुरा गर्दै मेयर साहले बजेट कार्यान्वयन र भुक्तानीको महत्वपूर्ण समयमा नगरपालिकालाई प्रमुख प्रशासकीय अधिकृतविहीन बनाइएको बताइन्। यसले स्थानीय तहलाई गतिरोधतर्फ धकेल्नुका साथै बजेट ‘फ्रिज’ गराउने नियत देखिएको उनको दाबी छ।