रानीसैन गइरहेको टोलीमाथि हुम्लाका नागरिकले गरे आक्रमण, पाँच जना घाइते

बाजुरामा प्रहरी चौकी निर्माणको विवाद चुलिएको छ । हिमाली गाउँपालिका–३ लाम्पाटास्थित च्याचौरमा हुम्लाका नागरिकले प्रहरी चौकी निर्माणमा अवरोध गरेका हुन् । सोही विवादले पर्यटकीय क्षेत्र रानीसैन गइरहेको टोलीमाथि आक्रमण पनि भएको छ ।

जिल्ला प्रहरी कार्यालयका प्रवक्ता प्रहरी निरीक्षक नरेशबहादुर शाहीका अनुसार हिमाली गाउँपालिकाका अध्यक्ष गोविन्दबहादुर मल्ल र हाम्रो सुदूरपश्चिम हामी चिनाउँछौँ अभियानमा गएको धनगढी उपमहानगरपालिकाको ४० जनाको भ्रमण टोलीसँग पनि विवाद भएको हो ।