अध्ययन भिसा सिफारिसमा कर्मचारीको भूमिका छानबिन गर्दै सरकार

अध्ययन भिसा सिफारिस प्रक्रियामा नक्कली पत्र तथा कागजात प्रयोग भएको विषयलाई गम्भीर रूपमा लिँदै शिक्षा तथा खेलकुद मन्त्रालयले आफ्ना कर्मचारीहरूको सम्भावित संलग्नतामाथि छानबिन प्रक्रिया सुरु गरेको छ। यसका लागि मन्त्रालयले तीन सदस्यीय छानबिन समिति गठन गरेको छ।

मन्त्रिस्तरीय निर्णयअनुसार मन्त्रालयका सहसचिव चन्द्रकान्त भुसालको संयोजकत्वमा समिति गठन गरिएको हो। समितिमा मन्त्रालयकै उपसचिव (कानुन) गोपीकृष्ण रेग्मी र शाखा अधिकृत गुणराज भट्टराई सदस्य रहेका छन्।